ನಿಲ್ಲುತಿಹದು ಬದುಕು.

-


ನಿಲ್ಲುತಿಹದು ಬದುಕು
ಜ್ಞಾನವಿಲ್ಲದೆ,ಅರಿವಿಲ್ಲದೇ
ಗುರಿಯಿಲ್ಲದೆ,ಗುರುವಿಲ್ಲದೆ
ಒಳಿತು ಕೆಡಕುಗಳ ತಿಳಿವಿಲ್ಲದೆ
ಮಾಯೆ ಮೋಹಗಳ ಅರಿವಿಲ್ಲದೆ.

ನಿಲ್ಲುತಿಹದು ಬದುಕು
ಅದೆಲ್ಲಿ ಇದೆಲ್ಲಿ ಇಂದೆಲ್ಲಿ ಮುಂದೆಲ್ಲಿ ಎನ್ನುತ 
ಇಲ್ಲಿ ಇಂತಿರುವುದ ಕಳೆದುಕೊಂಡು,
ಅಲ್ಲೆಲ್ಲೋ ನೋಡಿ ಸಲ್ಲದೊಂದ ಬಯಸಿ
ಸಿಗಲಿಲ್ಲವೆಂದು ಸಿಕ್ಕಿರುವುದನ ಕಳೆದುಕೊಂಡು.

ನಿಲ್ಲುತಿಹದು ಬದುಕು
ಬೇಕಿಲ್ಲದ್ದನ್ನ ಬೆಟ್ಟದಷ್ಟು ಬಯಸಿ,
ಬೇರಾವುದೋ ಬೇಡದ ಬದುಕ ಬಯಸಿ,
ಸಂದ ಭಾಗ್ಯವ ಬಿಟ್ಟು ಬೇರೊಂದು ಭೋಗವ ಬಯಸಿ,
ಸಾಧಿಸುವ ಸಾಧನವರಿತರು ಸಾವಿನೆಡೆಗಟ್ಟುವ ಸುಳ್ಳಿಗೆ ಸಿಲುಕಿ.

ನಿಲ್ಲುತಿಹದು ಬದುಕು
ನಿನ್ನಂತ್ತೆ ನಾನಾಗುವದಕ್ಕೋ
ನನ್ನಂತ್ತೆ ನೀನಾಗುವದಕ್ಕೋ,
ವೆಸನಕ್ಕೋ ವ್ಯಾಮೋಹಕ್ಕೋ
ಚಿತ್ರ ವಿಚಿತ್ರ ಚಂಚಲ ಚಿತ್ತಕ್ಕೋ,
ಮತ್ತೆ ಮತ್ತೆ ನಿಲ್ಲುತಿಹದು ಬದುಕು.

                              ...........ಬಸವ.
 

Comments

  1. Mahesh S Hugar30 January 2021 at 21:25

    ನಿಲ್ಲದಿರಲಿ ಬದುಕು

    ReplyDelete
  2. Unknown30 January 2021 at 21:29

    ನಿಲ್ಲಲ್ಲಾರದ ಬದುಕೇ ನಿಜವಾದ ಬದುಕು.!

    ReplyDelete
  3. Unknown30 January 2021 at 21:42

    ಸಾಧಿಸುವ ಸಾಧನವರಿತರು ಸಾವಿನೆಡೆಗಟ್ಟುವ ಸುಳ್ಳಿಗೆ ಸಿಲುಕಿ.


    👌👌👌

    ReplyDelete
  4. Unknown30 January 2021 at 22:02

    ಬೇಕು ಬೇಡೆನ್ನುವದರ ಮದ್ಯೆ ಬದುಕು

    ReplyDelete
  5. Unknown30 January 2021 at 22:03

    👌👌

    ReplyDelete
  6. Unknown30 January 2021 at 22:34

    ನಿಲ್ಲದಿರಲಿ ನಿಮ್ಮ ಸಾಧನೆ

    ReplyDelete
  7. Mouneshwari. K31 January 2021 at 18:13

    ನಿಂರಂತರ ನದಿಯ ಹಾಗೆ ಸಾಗುವುದೇ ಬದುಕು....

    ReplyDelete

Post a Comment

Thank you

Popular posts from this blog

ಮರೆಯಾದನೆ ಅವನು?

-
ಹೃದಯಕಮಲದೊಳಗೆ ಅವಿತು ಅತ್ತಲಿತ್ತಕಡೆ ಅಲ್ಲದೆ ಹೀಗೆ ದೂಡೆಂದು ಮುನ್ನಡೆಸುತ್ತಿದ್ದವನು ಮರೆಯಾದನೇ? ನನ್ನೊಳಗೆ ಕಷ್ಟವಾಯಿತೆಂದು ಕೈಲಾಸದಲ್ಲೋ, ಕಾಶಿಯಲ್ಲೊ, ಅವನದೇ ಸಕಲದಲ್ಲೆಲ್ಲೋ ಮರೆಯಾದನೇ? ಎಲ್ಲವೂ ಕತ್ತಲಾಯಿತೆಂಬ ಭಾವ ಬಿತ್ತಿ ನನ್ನೊಳಗಿನಿಂದ ನಿರುಮ್ಮಳವಾಗಿ ಮರೆಯಾದನೆ? ಸಲ್ಲದ ಎಲ್ಲವೂ ಅಪ್ಪಿಕೊಳ್ಳುತ್ತಿದ್ದರೂ, ಒಪ್ಪದೇ ಅವನನ್ನೇ ಅರಿಯುವುದ ಬಿಟ್ಟದಕ್ಕೆ ಮುನಿದು ಮಾಯವಾದನೆ? ಎಲ್ಲಿಂದಲೋ ತಿಳಿದು ತುಳಿದು ಬಂದ ಮೋಕ್ಷಾದ್ಹಾದಿಯ ನಾನೀಗ ಮರೆತ್ತದ್ದಕ್ಕೆ ಪ್ರತ್ಯುತ್ತರವಿಲ್ಲದೆ ಮಾಯವಾದನೆ? ಪ್ರಿಯವಲ್ಲದವುಗಳಿಗೆ ನಾ ಪ್ರಿಯವಾದದ್ದಕ್ಕೆ ನನ್ನೊಳಗಿನಿಂದ ತಿಳಿಯಾಗಿ ತಾಪಗೊಂಡು ಮಾಯವಾದನೆ? ಮೋಕ್ಷ ಮರೆತ್ತಿದ್ದೆಲ್ಲಿ ಎನ್ನುವ ಎಣಿಕೆಗಳ ಮುಂದಿಟ್ಟರೂ, ಮಾಯೆ ಮೊದಲಾಗಿಯೂ ಗುರುತಿಸಿ ನನ್ನ ಗಮನಕ್ಕಿಟ್ಟರೂ, ಎಡವುತ್ತಿರುವ ಹೆಜ್ಜೆಗಳ ದಾಪು ಗುರುತಿಸಿ ಹೇಳಿದರೂ, ಸತ್ಯಮಿಥ್ಯಗಳ, ಕತ್ತಲೇಬೆಳಕುಗಳ ಅರ್ಥ ಬಿತ್ತರಿಸಿಟ್ಟರೂ, ಸಲ್ಲುವ ಎಲ್ಲವುಗಳಿಗೆ ನಾ ಅರಿಯದೇ ಅಲ್ಲಗಳೆದದ್ದಕ್ಕೆ ಅರಿವಿಗೂ ಬಾರದಂತೆ ನನ್ನಾತ್ಮದೊಡೆಯ ಮರೆಯಾದನೇ?                                                   ..........ಬಸವ.
Read more

ಕೆಲವು ಲೆಕ್ಕಾಚಾರಗಳು.

-
ಬಿಟ್ಟಿರಲೇಬೇಕಿತ್ತು ಕೆಲವು ಲೆಕ್ಕಾಚಾರಗಳು ಕೆಲವು ಮನದಾಚೆಗೆ ಇನ್ನೂ ಕೆಲವು ಹೃದಯದಾಚೆಗೆ ಬಿಟ್ಟಿರಬೇಕಿತ್ತು ಲೆಕ್ಕಿಸದೆ ಕೆಲವು ಲೆಕ್ಕಾಚಾರಗಳ, ದಿಕ್ಕು ದೊರೆತರೂ ದಿಕ್ಕುತಪ್ಪಿಸುವಂತಹ ದಡ ತಲುಪಿದರೂ ಇನ್ನೆಲ್ಲಿಗೋ ತಲುಪಿಸುವಂತಹ  ಎಲ್ಲಿಯೂ ಬೇಡದ ಲೆಕ್ಕಾಚಾರಗಳ ಬಿಟ್ಟರಲೇಬೇಕಿತ್ತು. ಕಣ್ಣೋಟ ಬೆರಸುವ ಮೊದಲು, ದನಿಗೆ ದನಿಗೂಡಿಸುವ ಮೊದಲು, ಅರಿಯುವ ಮೊದಲು ಬೆರೆಯುವ ಮೊದಲು, ಬೆಸೆಯುವ ಮೊದಲು ಬೆಸೆದು ಬೇಯುವ ಮೊದಲು, ಎಲ್ಲವೂ ಮುಗಿದು ಹೊತ್ತಾದಮೇಲೆ ಹೊಂದಿಸುವ  ಮೊದಲು, ಒಲವಿನ ಆತಿಥ್ಯ ಅತೀತವಾಗುವ ಮೊದಲೇ ಬಿಟ್ಟಿರ ಲೇ ಬೇಕಿತ್ತು ಕೆಲವು ಲೆಕ್ಕಾಚಾರಗಳ. ಯಾವುದು ಯಾವ ಯತ್ನಕ್ಕೆ ದಕ್ಕುವುದೋ, ಯಾವ ತಂತ್ರಕ್ಕೆ ದಕ್ಕುವುದೋ ಎಂದರಿಯುವ ಮುನ್ನವೇ, ದಕ್ಕುವುದದು ದಕ್ಕುವ ದಿಕ್ಕಲ್ಲೆ ಇರುವುದು ಎಂದರಿಯುವ ಮುನ್ನವೇ, ಮಾಗದ, ಮರೆಯಲಾಗದ ನೆನಪುಗಳ ಹುಟ್ಟಿಸಿ ಮತ್ತೆ ಮರೆಯಲೆತ್ನಿಸುವ  ಮುನ್ನವೇ, ಅತ್ತಿತ್ತಲಿನ ಅರ್ಥರಹಿತಕ್ಕೆ ಅಂತರಂಗ ಅಳುಕಿ ಅಳುವ ಮುನ್ನವೇ, ಬಿಟ್ಟಿರಲೇಬೇಕಿತ್ತು ಕೆಲವು ಲೆಕ್ಕಾಚಾರಗಳ. ಇಲ್ಲಿ ನಾನಾರು ನೀನಾರು ಎಂಬ ಪ್ರಶ್ನೆಯ ಪ್ರಶ್ನಿಸುವ ಮುಂಚೆಯೇ, ಅವನ ಅರೆಯಲು ಅರಿವಿಗೆ ಬೇಕಿದ್ದ ಮಂತ್ರ ಅರಿತು ಮರೆಯುವ ಮುಂಚೆಯೇ, ಅಲೌಕಿಕವ ಅರೆತು ಮರೆತು, ಲೌಕಿಕದ ದಾಸ್ಯನಾಗುವ ಮುಂಚೆಯೇ, ಬಿಡಲೇಬೇಕಿತ್ತು ಕೇಲವು ಲೆಕ್ಕಾಚಾರಗಳ ತನ್ನ ತಾನೇ ಹೊಂದಿಸಿಕೊಂಡು ಹೋಗುವ ಬದುಕಿನಲ್ಲಿ ಬಿಡಲೇಬೇಕಿತ್ತು ಕೆಲವು ಲೆಕ
Read more

ಅರಿಯಲೇಬೇಕಿದೆ

-
ಅರಿಯಲೇಬೇಕಿದೆ ಹಲವು ಸಲ್ಲದ ವಿಷಯಗಳಿಗೆ ಏಕಕಾಲಕ್ಕೆ ಗೈರಾಗುವುದ, ಬೇಕಾಗಿಯೂ ಬೇಡವಾದ ಸಂಬಂಧಗಳ ಮುಟುಕುಗೊಳಿಸುವುದ, ಇಂದಾವುದೋ ಮುಂದಾವುದೋ ಎನ್ನುವ ಮಂಪರುಗಳ ಮರೆಯುವುದ, ಅರಿಯಲೇಬೇಕಿದೆ ಯಾವುದಕ್ಕೂ ಇರಿಸು ಮುರಿಸಾಗದೆ ಇತಿ ಹಾಡುವುದನ. ಅರಿಯಲೇಬೇಕಿದೆ  ಆಗಾಗ ಹುಟ್ಟುವ ಸಲ್ಲದ ಸಂಬಂಧಗಳ ಜಟಿಲತೆಗಳ, ಮನದ ತಿಳಿನೀರಿಗೆ ಎಲ್ಲಿಂದಲೋ ತೆಳುವಾಗಿ ಸೇರಿದ ಸಂಬಂಧವದು ತ್ರಾಣವೋ ನಿತ್ರಾಣವೋ ಎಂಬುದ, ಲೌಕಿಕದ ಇಂದು ಇಲ್ಲಿಗೆ ಒತ್ತಿಕ್ಕಲೇಬೇಕಾದದ್ದು ಅಲ್ಪ ವಿರಾಮವೋ, ಪೂರ್ಣವಿರಾಮವೋ ಎಂಬುದ, ಅರಿಯಲೇಬೇಕಿದೆ ಇಂದು ಯಕಶ್ಚಿತ ನಂಟುಗಳ ಅಂಟುತನದ ಭಿಭತ್ಸತೆ. ಅರಿಯಲೇಬೇಕಿದೆ ಇಂದು ಎಲ್ಲವೂ ಕತ್ತಲಾಗಿರುವುದಕ್ಕೆ ಕಣ್ಣ ಕುರುಡೋ, ಮನದ ಕುರುಡೋ ಎಂದು, ಎಲ್ಲೆಡೆ ಬಿತ್ತರಿಸುವ ಭಾವರಹಿತ ಸಂಬಂಧಗಳೇ ಏಕೆ ಇಷ್ಟು ಅರ್ಥಪೂರ್ಣವೆಂದು, ಎಲ್ಲವೂ ನಿರಾಷೆಯೆಂದರಿತರೂ ಸದಾಶಯಗಳನ್ನೇ ಕೇಳಪಡುವ ಮನದ ಹುಚ್ಚಾಟವ, ಅರಿಯಲೇಬೇಕಿದೆ ಯಾವುದೋ ಹೊತ್ತಿಗೆ ಹೊತ್ತಿ ಉರಿಯುವ ವಿದಾಯದ ಸೆಲೆಗಳೇಕೆ ಅರಿವಿಗೆ ಬಾರಲಿಲ್ಲವೆಂಬುದ.                                           ..............ಬಸವ.
Read more